A bonaerense Rocío Alejandro, autora do libro “A horta de Simón”, recibe esta tarde o X Premio Internacional Compostela para Álbums Ilustrados nun acto que se celebrará ás 19:30 horas no Salón Nobre do Pazo de Raxoi. O certame, organizadopolo Departamento de Educación do Concello de Santiago e por KALANDRAKA, enmárcase na Campaña Municipal de Animación á Lectura.

Como é habitual, a gañadora do Premio Compostela visitará o IES do Sar a partir das 10:40 horas para participar nun encontro co alumnado de Bacharelato Artístico no que explicará o proceso de creación desta obra e fará unha demostración da técnica artística coa que foi elaborada, mediante a estampación de selos entintados.

“A horta de Simón” é un eloxio ao traballo colectivo, á convivencia en harmonía e en contacto coa natureza. O seu protagonista é un coello que decide plantar moitas cenorias nun terreo, onde progresivamente se van engadindo outras hortalizas grazas á participación doutros personaxes que se van sumando a esta historia acumulativa. Trátase do primeiro libro de Rocío Simón como autora e ilustradora.

http://www.kalandraka.com/ga/coleccions/nome-coleccion/detalle-libro/ver/a-horta-de-simon/