11 de novembro. Día das Librarías
- O 11/11/2023
O 11 de novembro de 2023 celébrase a 13 edición do Día das Librarías , promovido por CEGAL coa finalidade de poñer en valor o papel que teñen as librarías independentes na promoción da lectura e da cultura.
Ao longo deste día, as librarías ofrecerán actividades extraordinarias e poderemos atopar unha ampla variedade de títulos e gozar do ambiente perfecto para descubrir novas historias, así como recibir recomendacións personalizadas dos/as expertos/as libreiros e libreiras.
Apoiar as librarías independentes é esencial para manter vivos estes valiosos espazos culturais, fomentar a lectura e cultivar o pensamento crítico.
