A Asociación Galega de Editoras ofrece a sesión informativa dirixida ás súas asociadas: “Audiolibros: empresas, mercado e condicións”
- O 18/05/2021
- A sesión informativa, virtual e gratuíta, estará dirixida ás asociadas á AGE, e centrarase no audiolibro e no servizo de asesoría de Asterisc Agent
A sesión gratuíta Audiolibros: empresas, mercado e condicións celebrarase por Zoom, o vindeiro 26 de maio, e consistirá en ofrecer información ás editoriais asociadas á AGE arredor da explosión actual do audiolibro, cunha breve pílula con información clara e contrastada. A sesión será impartida por Carlota Torrents, da axencia Asterisc Agents, quen ademais ofrecerá información e resolverá dúbidas do servizo de consultas e asesoramento en dereitos e contratación que ofrece Asterisc Agents como asesoría da Asociación Galega de Editoras, en colaboración de CEDRO. Carlota Torrents explicará como funciona este servizo e que tipo de consultas poden tramitar as editoriais asociadas á AGE.
