• O servizo de asesoramento está relacionado coa contratación, negociación e internacionalización dos proxectos editoriais, a cargo de Asterisc Lab, en colaboración con CEDRO.
• As editoriais asociadas disporán deste servizo gratuíto ata o 31 de decembro.

Santiago de Compostela, 28 de xaneiro de 2022.- A Asociación Galega de Editoras e a axencia literaria Asterisc Agents – Asterisc Lab (Fishing Talent SL) veñen de renovar o contrato para ofrecer ás editoriais asociadas á AGE o servizo de asesoramento gratuíto sobre contratación, negociación e internacionalización de proxectos empresariais.

Asterisc Lab asesorará ás empresas editoras da AGE en todas aquelas cuestións relacionadas coa contratación, negociación e internacionalización dos proxectos empresariais, e outras que poidan xurdir.

Tipos de consultas:

INTERNACIONALIZACIÓN DOS PROXECTOS EDITORIAIS:

• Consultas relacionadas coas feiras internacionais do libro
• Consultas sobre o funcionamento internacional de compra e venda de dereitos de explotación de libros
• Consulta sobre materiais, catálogos e web enfocados á internacionalización dos contidos

CONTRATACIÓN EDITORIAL:

• Consultas sobre cláusulas concretas dun contrato nacional ou internacional
• Consultas sobre o funcionamento da contratación no estranxeiro
• Consultas sobre conceptos de contratación (formatos, explotación, cesións…) As consultas poderán adaptarse aos cambios do sector, por cuestión de formatos, mercado internacional e/ou outros

 

Máis información: s.tecnica@editorasgalegas.gal