O xoves, 15 de xullo, celebramos o LIBROESTÍO, a festa do verán dos libros nas librarías. Visita as túas favoritas e infórmate das actividades que se organizan: sinaturas, presentacións, contacontos, e moito máis.

 

 

AXENDA DE ACTIVIDADES

XERAIS convida á presentación de Cobiza, de María Reimóndez, nos arcos de Bonaval, en Compostela, nun acto organizado pola libraría Lila de Lilith

O xoves 15 de xullo ás 19:00 horas, nos arcos de Bonaval de Santiago de Compostela, terá lugar a presentación de Cobiza de María Reimóndez, I Premio Pinto e Maragota á Diversidade Sexual e de Xénero.

No acto, organizado pola libraría Lila de Lilith, participarán Nee Barros, Susana Sanches Arins e María Reimóndez.

__________

KALANDRAKA E DAVID PINTOR PRESENTAN EN MOITO CONTO O LIBRO DE VIAXES DEDICADO Á CORUÑA

«A Coruña» é un novo libro de artista de David Pintor no que plasma a súa fascinación pola súa cidade
natal cunha trintena de debuxos cheos de frescura e capaces de amosar distintos espazos -tanto os
coñecidos como os menos populares nas guías turísticas- dende puntos de vista sorprendentes,
introducindo elementos imaxinarios á vez que recolle a esencia da contorna natural e da identidade
propia dos lugares.

O autor preséntao este xoves 15 de xullo ás 19:00 horas na libraría Moito Conto
(San Andrés, 35) na compaña do xornalista Luis Pousa e con representación municipal e da editorial
KALANDRAKA, que publica a obra na colección Cidades.

O aforo é limitado e cómpre inscrición previa en libreria@moitoconto.com

_________

Na libraría Punto e Coma de Ourense celebraranse varias sinaturas ao longo da xornada:

15 de xullo, ás 19:00 David Lorenzo asinará exemplares das súas obras Roger e o rato e de O neno peixe, publicadas pola editorial Triqueta Verde.

Miguel Robledo, estará na libraría Punto e Coma, ás 20:00 para asinar exemplares de Teño dereitos, Frankenstein e Unha noite no tren da vía láctea, editadas por Aira Editorial

Na libraría Punto e Coma de Ourense, o ilustrador Pablo Otero, ás 21:00, asina exemplares das obras Parece unha formiga, A raíña de Turnedó, e de  Contos por teléfono e Gelsomino no país dos mentiráns, da autoría de Gianni Rodari, editadas por Kalandraka

Máis información nas redes sociais da libraría Punto e Coma e puntoecoma.gal

___________

LIBRARÍA BD de Vigo

Jorge Campos (@ilustralecto) presenta as súas novidades editadas por Aira Editorial e asinará exemplares a partir das 20:00