A Asociación Galega de Editoras organiza a 2ª edición do curso de márketing dixital para editoriais asociadas á AGE, que será impartido pola docente Eva Güell, especializada no ámbito do márketing e a transformación dixital. Terá unha duración de 10 horas, e celebrarase en liña desde a aula virtual da docente, os días 27, 28 e 29 de xuño / 4 e 5 de xullo, en horario de 18:00 a 20:00.

Curso ampliado de márketing dixital para editoriais

O curso ofrece os elementos básicos para:

• Adquirir unha visión global da contorna dixital e definir que precisamos para posicionar nela á nosa editorial e os libros que publicamos.
• Entender a estrutura do modelo de márketing dixital, as técnicas que nos permitirán integralo no noso plan de márketing anual, e como medir a consecución dos obxectivos marcados.

 

Contido das sesións:

1ª sesión: O modelo de márketing dixital no sector editorial

• A contorna dixital no sector editorial: entender as circunstancias específicas de márketing e do negocio no noso sector
• O modelo de márketing dixital: o Funnel de conversión: conceptos claves de cada unha das fases

2ª sesión: Os activos dixitais dunha editorial. Os contidos

• Activos dixitais dunha editorial
• Estratexia de contidos

3º sesión: Buscadores: como nos posicionamos

• Posicionarse en Google: SEO e SEM

4º sesión: Chegar á nosa audiencia

• Redes sociais: claves para definir nelas a nosa presenza

5º sesión: Captar emails e coidar a nosa BBDD. O plan de márketing 360º

• Email márketing
• O plan de márketing editorial 360º

 

Eva Güell Ferré é activadora e facilitadora de proxectos, traballou 17 anos en empresas do sector editorial axudando a definir, planificar e facer realidade proxectos no ámbito dixital, de desenvolvemento de negocio e en distribución. Dirixiu departamentos de márketing e desenvolvemento de negocio dixital; liderou proxectos de diversa índole e ámbito internacional, grazas aos que tivo a oportunidade de traballar con equipos

interdisciplinares de departamentos comerciais, IT, asesoría legal, de dereitos de autoría, editoriais, e de produción editorial. Actualmente ofrece servizos de asesoría profesional a empresas do sector editorial e outras, así como formación especializada no ámbito del márketing e a transformación dixital.  É docente no Máster en Edición da Universitat Pompeu Fabra (Barcelona).

https://www.linkedin.com/in/eva-guell/

[Coa colaboración da Consellería de Cultura, Educación e Universidade da Xunta de Galicia ]