Baía Edicións presenta “Ferreñas e Rock and Roll” en Compostela
- On 27/01/2020
O 5 de febreiro, ás 19:30h., Baía Edicións presenta Ferreñas e Rock and Roll, na libraría Lila de Lilith, en Compostela.
No acto de presentación participan as autoras, Laura Romero e Iria Pedreira ademais de Guadi Galego e Maribel dos Anjos.
Ferreñas e Rock and Roll é un catálogo ilustrado a toda cor no que se outorga protagonismo a trinta e unha músicas ou formacións integramente femininas que marcaron un antes e un despois tanto nos seus respectivos estilos como no conxunto da música galega.
