Esta mañá tivo lugar o acto de presentación da Gala do Libro Galego 2017, un certame de premios que terá lugar o vindeiro 20 de maio ás 19:30h. no Teatro Principal de Santiago de Compostela.

Na súa segunda edición, a Gala do Libro Galego pretende recoñecer a excelencia do traballo literario realizado no ámbito editorial galego ao longo do ano 2016 ao tempo que lle concede a necesaria visibilidade social a un sistema literario galego representado polas súas escritoras e escritores, editoras e librarías. En definitiva, este evento consolida a unión das tres asociacións.

Na presentación do evento, o presidente da AGE, Xosé Ballesteros, na súa intervención, destacou a Gala como o maior evento do ano no país arredor do libro galego. Ballesteros destacou ademais a Gala do Libro Galego como unha festa, mais «non debemos esquecer que o sector do libro galego milita na resistencia cultural, un ecosistema que está a minguar ano tras ano. Mais nós nos imos permitir que se extinga».

O acto de presentación contou tamén coa presenza de Martiño Noriega, alcalde de Santiago de Compostela, quen suliñou a colaboración e apoio ás tres entidades organizadoras da Gala e ao evento en si mesmo como un apoio á defensa do libro galego; con Goretti Sanmartín, vicepresidenta da Deputación da Coruña, quen na súa intervención puxo en valor a unión das tres entidades organizadoras da Gala e desexou  que  esta festa sexa a mostra da consolidación do sector e inverter a situación actual da edición en Galicia cara un mellor futuro para o libro galego; e con Anxo Lorenzo, Secretario Xeral de Cultura, que se sumou aos parabéns pola unión da AGE, AELG e Federación de Librarías de Galicia para celebrar o evento, exemplo de unión de esforzos e responsabilidades do sector de cara á cidadanía. Acompañaron o acto os principais responsables das tres entidades organizadoras, ademais de  Xosé Ballesteros (da AGE), Cesáreo Sánchez (da AELG) e Antón Pedreira (da Federación de Librarías de Galicia), que subscribiron as palabras do presidente da AGE e das intervencións das entidades colaboradoras.

A Gala do Libro Galego contempla 11 categorías de participación e 3 premios de honra. Os finalistas de cada categoría (que detallamos abaixo) déronse a coñecer o pasado luns 10 de abril. Un xurado independente seleccionará os gañadores.

Relación de finalistas de cada categoría:

Ensaio:

• Os últimos carballos do Banquete de Conxo. De Henrique Alvarellos, Xurxo Martínez González, Francisco Singul, Martín Souto. Alvarellos Editora e Consorcio de Santiago.
• A nosa Terra é Nosa! A xeira das Irmandades da Fala (1916-1931). De Emilio Xosé Ínsua López. Baía Edicións
• Labrego con algo de poeta. Biografía de Manuel María. De Mercedes Queixas. Editorial Galaxia
• Oiko-nomía do xénero. Relato das clausuras. De Rebeca Baceiredo. Axóuxere Editora
• O TTIP. Un cabalo de Troia contra a nosa soberanía. De Varios Autores. Edicións Laiovento

 Obra traducida:

• A boca pobre. De Flann O’Brienn. Tradución: Isaac Xubín. Rinoceronte Editora
• Historia do nobre Ponto, que foi rei de Galiza e de Bretaña. Anónimo. Tradución: Henrique Harguindey Banet. Rinoceronte Editora
• Cando os nenos din basta! De Francesco Tonucci. Tradución: Mónica Baleirón, Rut Vázquez. Kalandraka Editora
• A contrafío. De Joris-Karl Huysmans. Tradución: Isabel Soto. Editorial Hugin e Munin
• Laura das Neves e a sociedade literaria dos nove. De Pasi Ilmari Jääskeläinen. Tradución: Tuula Ahola e Tomás González Ahola. Urco Editora
• O día da lagosta. De Nathanael West. Tradución: Carlos Valdés. Irmás Cartoné

Proxecto Literario na rede:

• Brabádegos. Portal de Literatura infantil e xuvenil, de Romina Bal
• Poética, de Fran Alonso
• Os Bolechas
• A Sega. Plataforma de Crítica Literaria
• O país dos libros en galego
• Caderno da crítica, de Ramón Nicolás

Literatura Infantil e Xuvenil:

• A casa do medo. De Agustín Fernández Paz. Editorial Rodeira
• Jules Verne e a vida secreta das mulleres planta. De Ledicia Costas. Edicións Xerais de Galicia
• O soño do Merlo Branco. De Agustín Fernández Paz. Ilustracións de Lucía Rodríguez Cobo. Edicións Xerais de Galicia
• Marta e a píntega. De Eli Ríos. Ilustracións de Patricia Román. Editorial Galaxia
• A soidade das medusas. De Iria Collazo López. Ilustracións de Luz Beloso. Editorial Galaxia

Iniciativa Bibliográfica:

• De catro a catro. Manuscrito inédito. De Manuel Antonio. Edición de Anxo Tarrío Varela. Alvarellos Editora e Consorcio de Santiago
• Bolxeviques 1917-2017. Coordinado por Teresa Moure. Edicións Xerais de Galicia
• Será correcto? De Concha Blanco e María Canosa. Hércules de Ediciones
• Aulas sen paredes. De Rosalía Fernández Rial. Edicións Positivas
• Traxes na Galiza. De Paula Gómez del Valle. Cunca Editora
  

Iniciativa Cultural ou de Fomento da Lectura:

• Salón do Cómic da Coruña
• Ciclo Vermú entre libros (Libraría Paz)
• Chan da Pólvora
• Espazo Lectura (Gondomar)
• Salón do Libro Infantil e Xuvenil de Pontevedra
• Festigal

Libro Ilustrado:

• Canta connosco. Ilustrado por Óscar Villán. Kalandraka Editora
• Marcopola 4. Avoa Power. Escrito e ilustrado por Jacobo Fernández Serrano. Edicións Xerais de Galicia
• María Fumaça. Escrito por Varios Autores. Ilustrado por Pablo Giráldez. Editorial Galaxia
• Presas fáciles. Escrito e ilustrado por Miguelanxo Prado. El Patito Editorial
• Os lapis primos. Escrito por José Ramírez Lozano. Ilustrado por Natalie Pudalov. OQO Editora

Teatro:

• A filla de Woody Allen. Pequenos actos pseudorrevolucionarios. O Furancho. De Santiago Cortegoso. Edicións Morgante
• Nunca paraíso. Teatro breve (1973-2015). De Manuel Lourenzo. Edicións Xerais de Galicia
• As terapias da doutora Ledicia. De Raquel Castro. Editorial Galaxia
• Voaxa e Carmín. De Esther Carrodeguas. Difusora de Letras, Artes e Ideas
• Moito Morro Corporation, Sociedade Ilimitada. De Carlos Labraña. Editorial Galaxia

Xornalismo Cultural:

• Susana Pedreira
• Zig-Zag Diario
• Ramón Rozas
• Ana Romaní
• Xiana Arias

 Narrativa:

• O espello do mundo. De Ramón Nicolás. Edicións Xerais de Galicia
• Non é París. De María Canosa. Ediciones Bolanda
• A ferida do vento. De Antón Riveiro Coello. Editorial Galaxia
• Aqueles días en que eramos malas. De Inma López Silva. Editorial Galaxia
• Non hai outro camiño. De Isaac Xubín. Edicións Xerais de Galicia
• Todo canto fomos. De Xosé Monteagudo. Editorial Galaxia
• O Alfaiate Portugués. De Xavier Senín. Editorial Galaxia

Poesía:

• De Claudio Rodríguez Fer. Ouvirmos
• Rosa Tántrica. De Luz Pozo Garza. Alvarellos Editora
• O cuarto das abellas. De Antía Otero. Edicións Xerais de Galicia
• De Fran Cortegoso. Chan da Pólvora
• A relixión do mar. De Xosé Iglesias. Instituto de Estudos Miñoranos

A Gala do Libro Galego 2017 conta co apoio do Concello de Santiago, a Deputación Provincial da Coruña e a Xunta de Galicia.