Galaxia presenta “Monte Pindo. Historias e lendas do Olimpo Celta”, de Laura Suárez, na fervenza do Ézaro
- O 14/01/2022
O domingo 16 de xaneiro, celebrarase, ás 11:30 h, na Fervenza do Ézaro, a presentación de “Monte Pindo. Historias e lendas do Olimpo Celta”, de Laura Suárez.
Acompañando a autora, estarán o alcalde do Concello de Dumbría, José Manuel Pequeño, e Francisco Castro, director xeral de Editorial Galaxia.
O monte Pindo é coñecido como o Olimpo Sagrado dos Celtas pola gran cantidade de lendas e historias que o rodean. Neste álbum, escrito e ilustrado por Laura Suárez, atopamos todas as claves para comprender cada un dos momentos do Pindo, dende como se formou ata como se desenvolveu a vida de Galicia nel. Este libro está ateigado desas lendas, das súas historias e os seus segredos… atesourando a maxia e o encanto dun dos montes máis especiais da nosa terra.