• O simposio O libro e a lectura da Asociación Galega de Editoras acada a súa edición número 16 nun encontro que se vai desenvolver no auditorio do Consello da Cultura Galega, en Santiago de Compostela (Pazo de Raxoi, s/n) na mañá e tarde do xoves 21 de novembro e durante a mañá do venres, 22 de novembro.
  

• Contará coa intervención de Antón Costa e Gregorio Luri, que impartirán as conferencias de apertura e peche; profesoras e representantes das editoras de libro educativo, que participarán en tres mesas redondas e nun panel de experiencias.
  

• Trátase dun encontro profesional, aberto a todos os públicos, onde se conversará, debaterá e reflexionará sobre a edición do libro educativo na era dixital, a transmisión do coñecemento no ensino e a convivencia do libro en papel e do libro dixital.

Santiago de Compostela, 5 de novembro.- “O libro educativo na era dixital” é o lema do simposio sobre o libro e a lectura que organiza en novembro a Asociación Galega de Editoras e o Departamento de Educación, Mocidade, Igualdade e Políticas Lingüísticas do Concello de Santiago, en colaboración con Cedro, Consello da Cultura e a Xunta de Galicia.

Terá lugar no Auditorio do Consello da Cultura Galega, en Santiago de Compostela, os días 21 e 22 de novembro.  Este simposio reúne a diferentes expertos e promotores da edición de libro educativo coa finalidade de ofrecer formación sobre a actualidade ao sector e ao público en xeral. Trátase dun encontro profesional onde se conversará, debaterá e reflexionará sobre o libro educativo na era dixital, a transmisión do coñecemento no ensino e a convivencia do libro en papel e do libro dixital.

Dúas conferencias, tres mesas redondas e un panel de experiencias vertebran un programa que se inicia o xoves 21 de novembro, ás 10:00 horas. Antón Costa encargarase da conferencia de apertura “Visión histórica da educación en Galicia”. Seguiralle, o panel de experiencias “Editar libro educativo”, con representantes das editoras galegas Baía, Tambre e Rodeira (12:30 horas).

As sesións continúan na tarde do xoves 21 de novembro, ás 16:30 horas, coa mesa redonda “Proxectos educativos dixitais”, a cargo de José Moyano, presidente de ANELE, Ana Guerra, de Edicións Obradoiro, Xosé Manuel Moo, de Xerais e a profesora, Susana Trigo.

Ás 18:30h. celebrarase a mesa redonda “As ferramentas da educación”, con José Javier Pintor, asesor de formación do CFR da Coruña, o pedagogo, Xesús Rodríguez e a representante da AS.PG, Olga Patiño Abeixón, para pechar a xornada do xoves.

O venres 22 de novembro, iniciarase a segunda xornada do simposio, ás 10:00h. coa mesa redonda “O futuro da educación” con Fernando Lacaci, presidente da Confederación de ANPAS galegas, Manuel Bragado, pedagogo e editor e a profesora Paula Fernández Seoane.

Finalmente, Gregorio Luri, encargarase da conferencia de peche das xornadas, “Sen educación non hai lectura”, ás 12:30 horas.

As sesións do XVI Simposio da AGE están abertas ao público, que pode inscribirse de balde ata cubrir as prazas (aforo 100 persoas) no enderezo electrónico s.tecnica@editorasgalegas.gal

 

PROGRAMA

Xoves, 21 de novembro

Mañá

09:30h. Entrega de documentación

09:45h. Inauguración

10:00h. Conferencia apertura: Antón Costa

Visión histórica da educación en Galicia

12:00h. Pausa-café

12:30h. Panel de experiencias: Editar libro educativo

• Belén López, Baía Edicións

• Edicións do Tambre

• María Xesús Gómez, Rodeira

14:00h. Remate da xornada

Tarde

16:30h. Mesa redonda: Proxectos educativos dixitais

• José Moyano, presidente de ANELE

• Ana Guerra (Obradoiro) e Xosé M. Moo (Xerais)

• Susana Trigo, profesora

18:30h. Mesa redonda: As ferramentas da educación

• José Javier Pintor, asesor de formación do CFR A Coruña

• Xesús Rodríguez, pedagogo                     

• Olga Patiño Abeixón, AS-PG

19:30h. Remate da xornada

Venres

10:00h. Mesa redonda: O futuro da educación

• Fernando Lacaci, presidente Confederación de ANPAS galegas

• Manuel Bragado, pedagogo e editor

• Paula Fernández Seoane, editora e profesora

12:00h. Pausa-café

12:30h. Conferencia de peche: Gregorio Luri

Sen educación non hai lectura

14:00h. Remate da xornada

MÁIS INFORMACIÓN:

Asociación Galega de Editoras
s.tecnica@editorasgalegas.gal
tel. 881 81 72 64 – 609 83 15 11

[O evento será difundido en streamming a través da canle de Youtube e das redes sociais da AGE]

Organizan: Asociación Galega de Editoras e Concello de Santiago

Colaboran: CEDRO, Consello da Cultura e Xunta de Galicia

Deseño cartelería: Ana Seixas