Santiago de Compostela, 14 de xuño de 2021.- Do 14 ao 17 xuño celébrase en liña a Feira Internacional do Libro Infantil e Xuvenil de Boloña, e proporá un amplo programa de eventos no escenario dixital: conferencias, premios e obradoiros, exposicións, charlas, foros e encontros.

Santiago de Compostela, 2 de xuño de 2021.- Mergúllate. Le en galego, a campaña de promoción da lectura iniciada no 2019 que promove a Asociación Galega de Editoras, coa colaboración da Consellería de Cultura, Educación e Universidade da Xunta de Galicia, actualízase co novo Bookshelftour con Arancha Nogueira.

A sesión informativa, virtual e gratuíta, estará dirixida ás asociadas á AGE, e centrarase no audiolibro e no servizo de asesoría de Asterisc Agent A sesión gratuíta Audiolibros: empresas, mercado e condicións celebrarase por Zoom, o vindeiro 26 de maio, e consistirá en ofrecer información ás editoriais asociadas á AGE arredor da explosión actual do audiolibro, cunha breve pílula con información clara e contrastada. A sesión será impartida [...]

Xela Arias desenvolveu o seu traballo profesional en Edicións Xerais de Galicia entre os anos 1980 e 1990. Licenciada en Filoloxía, exerceu como profesora de ensino secundario ata o seu falecemento. A súa obra poética está marcada pola innovación e a transgresión da palabra. Destacou tamén como tradutora, vertendo ao galego obras de Fenimore Cooper, [...]

Santiago de Compostela, 15 de maio de 2021. Nunha cerimonia que recuperou a presencialidade dos finalistas e retransmitida para o público, entregáronse os premios Follas Novas do Libro Galego, uns premios que acadaron este ano a sexta edición na que estrearon nova denominación. A gala foi conducida por Quico Cadaval coa participación do cuarteto de saxofóns da Banda Municipal de Música de Santiago. Os premios están organizados pola Federación de Librarías de Galicia, a Asociación de Escritoras-es en Lingua Galega e a Asociación Galega de Editoras. Esta edición estivo patrocinada polo Concello de Santiago, a Xunta de Galicia, Cultura da Deputación da Coruña e o Centro Español de Dereitos Reprográficos (CEDRO).

Santiago de Compostela, 12 de maio de 2021.- Os premios do libro galego que este ano pasaron a denominarse Follas Novas recuperarán nesta edición a gala de entrega mentres reclaman atención para o sector do libro en Galicia, un sector que, a pesar da pandemia, resiste e busca a visibilidade dos públicos. En rolda de prensa foi presentada esta edición dos premios que estrea denominación e que recupera o formato presencial de entrega. A cerimonia será celebrada o 15 de maio, en directo, no Teatro Principal, sen público, e transmitida a través de You Tube.

UN MUNDO DE LECTURAS  Hoxe, 23 de abril, celebramos o Día Internacional do Libro. 

O 23 de abril, Día do Libro, o presidente da Asociación Galega de Editoras, Henrique Alvarellos, participa no evento A tribo literaria en 2021 (Reflexións sobre a situación actual da literatura galega). No acto, que terá lugar ás 19:30 h., no Centro Cívico e Cultural de Arteixo, varios dos principais axentes do sistema literario galego farán unha posta en común sobre a situación actual da literatura galega e as súas necesidades máis urxentes.

A plataforma “Seguir Creando en dixital” reclama ao Goberno do Estado que a próxima transposición á lexislación española da Directiva europea sobre dereitos de autoría no mercado único dixital recoñeza clara e especificamente os dereitos de propiedade intelectual e a súa xestión colectiva obrigatoria e irrenunciable. “Seguir Creando en dixital” subliña a súa preocupación ante [...]