O  Centro Español de Derechos Reprográficos (CEDRO) manterá un encontro con autoras-es e editoras galegas, o próximo mércores 14 de marzo, ás 18:30 horas, en Santiago de Compostela.

O Centro Español de Derechos Reprográficos (CEDRO) manterá un encontro con autores e editores galegos, o próximo mércores 14 de marzo, ás 18:30 horas, en Santiago de Compostela. Nesta sesión, CEDRO presentará os avances conseguidos nos trinta anos de existencia desta Entidade e explicará cales son os cambios lexislativos necesarios para que os colectivos autoriais e editoriais poidan desenvolver a súa actividade con seguridade xurídica. Así mesmo dará conta dos servizos e beneficios que esta asociación ofrece a autores e editores.

Programa

18:30-18:40 Presentación.
Mercedes Queixas, Secretaria Xeral da Asociación de Escritoras e Escritores en Lingua Galega (AELG).

18:40-19:15 Necesidades lexislativas dos colectivos autoriais e editoriais.
Jorge Corrales, director xeral de CEDRO.

19:15-20:00 Beneficios de ser socio/a de CEDRO.
Pedro Sánchez, xefe do Departamento de Socios de CEDRO.

Lugar

Santiago de Compostela.

Auditorio do Consello da Cultura Galega (Pazo de Raxoi,  Praza do Obradoiro).

Sobre CEDRO

CEDRO ten como misión representar e defender os lexítimos intereses de autores/as e editoras de libros e publicacións periódicas, facilitando e promovendo o uso legal das súas obras. Na actualidade ten como membros 24.392 escritores, tradutores, xornalistas e editoras do Estado, e representa en España máis corenta entidades similares doutros países.