+34 609 83 15 11 :: s.tecnica@editorasgalegas.gal

Tambre

Tambre

Edicións Tambre como empresa pertence ao Grupo Editorial Luis Vives, formado por seis selos editoriais, entre os que tamén se atopan Edelvives, Ibaizábal, Baula, Alhucema, e máis os Talleres Gráficos.

Todo o Grupo Editorial Luis Vives móvese cun obxectivo común: o esforzo en promover a educación nos valores que enchen de contido a democracia e o noso desexo de estar presentes con valentía e creatividade no mundo da edición, lugar de creación artística, científica e técnica e ámbito privilexiado para a reflexión humanística.

O noso proxecto empresarial aposta por un modelo de desenvolvemento sostible que satisfaga as necesidades da xeración presente sen comprometer a capacidade das xeracións futuras. Traballamos por unha cultura da solidariedade, a sobriedade e o consumo racional.

Dentro deste obxectivo común para todo o grupo a finalidade concreta de Edicións Tambre é a edición de libros en galego, tanto de texto como de literatura para contribuír ao desenvolvemento educativo e social da nosa lingua e cultura.

En texto a oferta vai dende as idades máis temperás, que abranguen a Educación Infantil ata o Bacharelato.

En literatura a colección Ala Delta en galego está recomendada para idades máis infantís, mentres que para o público xuvenil achégase a oferta da colección Catavento. Para os máis pequerrechos e para aqueles que comezan a ler tamén teñen ao seu dispor libros adaptados ás súas idades e competencia lectora.

Dentro do catálogo temos publicados libros que foron galardoados nos premios que cada ano convoca Editorial Luis Vives, entre outros:

  • Aínda quedan piratas na Costa da Morte, de Consuelo Jiménez de Cisneros, V Premio Ala Delta, 1994.
  • Maíto Panduro, de Gonzalo Moure, XII Premio Ala Delta, 2001.
  • O cazador de estrelas, de Ricardo Gómez, III Premio Narrativa Xuvenil, 2003.
  • A vaca de Fisterra e a trabe de alcatrán, de Marilar Aleixandre, finalista do Premio Nacional de Literatura 2004.
  • O carteiro de Bagdad, de Marcos S. Calveiro, XVIII Premio Ala Delta, 2007.
  • Eu vivía na fin do mundo, de Ramón Trigo, premio do II Concurso Internacional de Álbum Infantil Ilustrado Bibiloteca Insular do Cabildo de Gran Canaria, 2007.

O obxectivo último de Edicións Tambre é o servizo á persoa e á cultura.

 

Datos de Interese

 

  • Ano fundación: 1993
  • Cargos directivos:
    • Director xeral: Antonio Giménez de Bagüés
    • Xerente: Isabelino Reiné Carrasco
    • Administración e loxística: Antonio López Prieto
    • Responsable de edicións: Óscar Fontán
    • Coordinador de literatura: Ignacio Chao
  • Liña editorial: Libro de texto desde Educación Infantil ata Bacharelato. Literatura Infantil e Xuvenil
  • Coleccións: Texto: Zoom. +Q1. Mundo Auga. Dinorah. Biblia e Escola. O País das letras. Nubaris. Rumbo Nubaris.
    Literatura infantil e xuvenil: Ala Delta. Catavento. Uxía. Iago. Tento.
  • Títulos do catálogo: 300
  • Prefixos do isbn: 9677
  • Linguas nas que edita: Galego.
  • Distribuidores: Distribución propia, Torre Libros, Grialibros, Distribucións Arnoia.

Contacto:

Rúa Severino Cobas, 142

36214 Vigo, Pontevedra

Tel. 986272013

Fax 986272242

http://www.tambre.net

AGE Asociación Galega de Editoras
Formulario de Inscripción para Editoriais

Nome da editorial*

Enderezo da editorial*

Teléfono*

Web

Ano da Fundación*

Cargos directivos*

Liña Editorial*

Coleccións*

Títulos do catálogo*

Prefixos ISBN*

Distribuidores*

Conta bancaria para os cobros dos recibos trimestrais*

Presentación da editorial e declaración de intencións*

Imaxe/Logotipo (jpg o png. 1mb max.)

Send