EDICIÓNS FERVENZA chegou ao público coa publicación do seu primeiro libro no ano 2000.
Neste tempo publicou máis de 500 libros, tendo na actualidade un fondo editorial vivo de máis de 300 títulos de temáticas varias: narrativa, poesía, infantil, musical, biografía, investigación… todos os xéneros están presentes no seu catálogo, prestando especial atención ás artes escénicas cunha colección teatral “A Pinguela. Teatro para ler e representar”, que supera os 100 títulos.
En poesía destacan as publicacións de poemarios premiados en diversos certames, así como a aposta por achegar este xénero aos máis cativos con numerosos títulos infantís en formato álbum ilustrado.
Os nenos e nenas tamén contan cunha colección especial de contos, tanto no noso idioma coma en libros trilingües (galego, castelán, inglés). Aquí, a ilustración cobra protagonismo en álbums a toda cor e de encadernación en tapa dura, ofrecendo unha imaxe e presentación das mellores do mercado.
En canto á narrativa, destaca a creación do Concurso Balbino de Relatos, en 2016, para a promoción da literatura e a lingua galega; un certame xerminado a carón de Xosé Neira Vilas. Cunha temática enfocada ao rural, o mariño e a emigración; e cun importante premio económico e publicación da obra gañadora, o Concurso Balbino de Relatos xa é unha referencia nos premios literarios galegos.
Tamén a novela e os relatos acaparan o seu protagonismo no fluído e variado elenco de autores e autoras galegas que viron publicadas as súas obras en Edicións Fervenza. Sorprende que moitas das temáticas, ficción ou drama, envolvan a nosa fala e os nosos variados e ricos dialectos en publicacións onde as tradicións, historia e cultura, aportan un gancho e atractivo especial para a persoa lectora.
Unha das máis recentes apostas é a colección infantil Os Balbinos, na que se narran as aventuras dunha simpática familia galega que percorre os distintos camiños de peregrinaxe a Santiago para acadar a ansiada Compostelá. Unha colección que aposta por achegar a historia, a cultura e o patrimonio das distintas rutas e dos lugares por onde pasan, presentándose en tres idiomas: galego, castelán e inglés.
Os libros de Edicións Fervenza pódense conseguir en calquera libraría galega, así como na súa páxina web www.edicionsfervenza.es
Datos de Interese
Técnicas & Gramaxe, sl/Edicións Fervenza
Ano fundación: 2001
Cargos directivos: Manuel Núñez Espiño
Liña editorial: publicación en galego: infantil, teatro, novela, poesía…
Títulos do catálogo: Nas rúas de Compostela, Camiños na sombra, Gombó e o medo á escuridade, Cantos de lembranza, Nos espazos do soño
Prefixos do isbn: 978-84-945375-9-2
Distribución: Consorcio Editorial Galego
Contacto
Edicións Fervenza
Telf.: 626731454
www.edicionsfervenza.es
edicionsfervenza@gmail.com