Santiago de Compostela, 7 de maio de 2019.- Esta mañá celebrouse, no marco do ambigú do Teatro Principal, ás 12:00h. o acto de presentación aos medios da cuarta edición da Gala do Libro Galego, entrega de premios organizada pola Asociación Galega de Editoras, a Asociación de Escritoras e Escritores en Lingua Galega e a Federación de Librarías de Galicia en colaboración co Concello de Santiago, a Deputación da Coruña e a Xunta de Galicia.

Na presentación en rolda de prensa da IV Gala do Libro Galego 2019, que terá lugar o sábado, 11 de maio, no Teatro Principal, estiveron presentes as persoas representantes das entidades colaboradoras e das convocantes: Sr. D. Martiño Noriega, alcalde de Santiago de Compostela; Sra. Dna. Goretti Sanmartín, Vicepresidenta da Deputación da Coruña; Sr. D. Anxo Lorenzo, Director Xeral de Políticas Culturais; Cesáreo Sánchez Iglesias, presidente da Asociación de Escritoras e Escritores en Lingua Galega; Pilar Rodríguez, presidenta da Federación de Librarías de Galicia e Henrique Alvarellos, vicepresidente da Asociación Galega de Editoras, quen destacou a celebración da Gala como un evento que visualiza o libro galego e promove o fomento da lectura en galego.

Os premios da Gala do Libro Galego pretenden recoñecer a excelencia do traballo realizado no ámbito editorial ao longo do ano 2018 en Galicia. As modalidades “Iniciativa cultural ou de fomento da lectura”, “Proxecto literario na rede” e “Xornalismo cultural”, recoñecen a traxectoria de varios anos, valorándose, por tanto, a constancia ao longo do tempo nestes ámbitos. Estas distincións, sen dotación económica, xorden, en primeira instancia, das propostas das asociadas/os das tres entidades convocantes, para posteriormente seren sometidas a un proceso de deliberación por parte dun xurado externo, cuxa composición se fará pública ao final da Gala.

As entidades organizadoras da Gala tamén deron a coñecer, na rolda de prensa desta mañá, os premios honoríficos que outorgarán cada unha das entidades convocantes:

• Premio honorífico á Editora, concedido pola xunta directiva da Asociación Galega de Editoras a María Xosé Queizán, importante figura do movemento feminista e neste eido é onde cabe destacar o seu labor como editora: Feministas Independentes Galegas foi un colectivo que creou no 1979, en Vigo e que editou a revista anual, Festa da Palabra silenciada, co obxectivo de promover o pensamento, a investigación, o debate e a crítica feminista nos ámbitos da teoría, as ciencias sociais, as artes e a política así como visibilizar e potenciar a creación das mulleres na literatura e as artes visuais en Galicia e alén das súas fronteiras.María Xosé Queizán foi ademais, directora da colección de narrativa de escritoras universais Literatas, de Edicións Xerais de Galicia.

• Premio honorífico á Libraría, concedido pola Federación de Librarías de Galicia a Antonio Fernández Maira polo seu compromiso co sector do libro e por ser figura destacada na posta en marcha das feiras do libro de Galicia.
• Escritora Galega Universal para María Teresa Horta, concedido pola AELG á figura central da literatura de expresión portuguesa, que valoran pola súa incontestable defensa feminista dos dereitos civís, sociais e culturais e a calidade literaria altísima da súa obra.

 

Obras finalistas da Gala do Libro Galego 2019

Ensaio e investigación

– As orixes da fotografía en Galicia: estudos composteláns do XIX, de Carlos Castelao (Alvarellos Editora-Consorcio de Santiago)

– Común temos a patria. Biografía dos irmáns Villar Ponte, de Emílio Xosé Ínsua e Xurxo Martínez González (Edicións Xerais de Galicia)

– Contra todo isto. Un manifesto rebelde, de Manuel Rivas (Edicións Xerais de Galicia)

– Feminismos e literatura infantil e xuvenil en Galicia, de Montse Pena Présas (Edicións Laiovento)

– Golpistas e verdugos de 1936. Historia dun pasado incómodo, de Lourenzo Fernández Prieto e Antonio Míguez (Editorial Galaxia)

– Vivir a galope, de María Xosé Queizán (Edicións Xerais de Galicia)

Divulgación

– Castelao na arte europea, de Siro López (Garañón Editora)

– Galaicos. Un pobo entre dous mundos, de Xurxo Ayán, María Luisa Castro, Antoni Nicolau, Diego Piay e Rafael Rodríguez (Alvarellos Editora-Deputación de Pontevedra)

– Galiza 1968. A consciencia avivada, de Xosé Ramón Ermida Meilán (coord.), Pilar Allegue Aguete, Vicente Araguas, Nemésio Barxa, Xaquín Campo Freire, María do Carme García Negro, Henrique Harguindey, Camiño Noia, Manuel Romero, Xesús Sanxoás Formoso (Sermos Galiza)

– Máis que ver. Cen historias do deseño en Galiza, de Pepe Barro (Edicións Xerais de Galicia)

– Maternidade fóra de catálogo, de Marga Tojo (Edicións Xerais de Galicia)

– Memorias dun loitador antifranquista, de David Álvarez Carballido (Alvarellos Editora)

Narrativa

– Besta do seu sangue, de Emma Pedreira (Edicións Xerais de Galicia)

– Bonus Track, de Rosalía Fernández Rial (Editorial Galaxia)

– Fóra de si, de Suso de Toro (Edicións Xerais de Galicia)

– Guías caninos, de Bieito Iglesias (Aira Editorial)

– Natura, de Iolanda Zúñiga (Editorial Galaxia)

Infantil

– Kusuma, de Héctor Cajaraville (Edicións Xerais de Galicia)

– Música no faiado, de Miguel Ángel Alonso Diz (Edicións Xerais de Galicia)

– O ladrón de voces, de María Canosa (Edicións Embora)

– Os contos da avoa Pepa, de Francisco Xosé Fernández Naval (Kalandraka Editora)

– Pioneiras. Galegas que abriron camiño, de Anaír Rodríguez Rodríguez (Edicións Xerais de Galicia)

Xuvenil

– A balada dos unicornios, de Ledicia Costas (Edicións Xerais de Galicia)

– A filla do minotauro, de Marilar Aleixandre (Editorial Galaxia)

– O bestiario científico de Anxos Nogueirosa, de Antonio M. Fraga (Urco Editora)

– Palabra de bruxa, de Andrea Barreira Freije (Editorial Galaxia)

– Street Poems, de Fran Alonso (Edicións Xerais de Galicia)

Libro ilustrado

– Macedonia de versos, por Lidia Nokonoko (Aira Editorial)

– Man de Camelle, por Carmen Hermo (Kalandraka Editora)

– O bestiario científico de Anxos Nogueirosa, por Víctor Rivas (Urco Editora)

– Pioneiras. Galegas que abriron camiño, por Nuria Díaz (Edicións Xerais de Galicia)

Libro de banda deseñada

– Animalia I. Verde, por Xosé Tomás (Edicións Xerais de Galicia)

– O bichero VIII, por Luís Davila (Edición do autor)

– O puño e a letra, por VV. AA. (Edicións Xerais de Galicia)

– Ulf de Jakobsland. Os viquingos en Galicia, por Alberto Varela Ferreiro (Edicións Xerais de Galicia)

Iniciativa bibliográfica

– A gotiña viaxeira, de Toño Núñez (texto) e Miguel Anxo Macía (ilustración), por Edicións Fervenza

– Biblioteca de Pedagoxía, por Kalandraka Editora

– Colección Feminismos, por Editorial Galaxia

– Lorca, Poeta galego (Edición facsimilar dos Seis Poemas Galegos e posta en marcha do “25-0 Día de FGL en Galicia”), por Alvarellos Editora.

– Mulleres bravas da nosa historia, por Urco Editora.

Tradución

– A cámara do sangue e outros relatos, de Angela Carter, por María Reimóndez (Urco Editora)

– A señora Dalloway, de Virginia Woolf, por Celia Recarey Rendo (Irmás Cartoné)

– Momentos estelares da humanidade, de Stefan Zweig, por Laureano Araujo (Kalandraka Editora)

– O tesouro de Lucio. Vida de Lucio Urtubia, de Mikel Santos, “Belatz”, por Manel Cráneo (Demo Editorial)

– Pedagoxía do oprimido, de Paulo Freire, por Ramón Nicolás (Kalandraka Editora)

Poesía

– …as neuronas irmás…, de Estíbaliz Espinosa (Centro PEN Galicia)

– Cara de velocidade, de Marga Tojo (Kalandraka Editora)

– Memoria do corpo, de Xesús Rábade Paredes (Editorial Galaxia)

– Poesía reunida (1982-2004), de Xela Arias (Edicións Xerais de Galicia)

– Tempo fósil, de Pilar Pallarés (Chan da Pólvora)

– Todo isto antes era noite, de Lucía Aldao (Apiario)

Teatro

– A fada pirata, de Carlos Labraña (Edicións Fervenza)

– A formiga fóra do carreiro, de Raquel Castro (Editorial Galaxia)

– Eroski Paraíso, de Chévere (Kalandraka Editora)

– Memorias da árbore e da noite triste. Último acto de don Ramón del Valle-Inclán, de Fátima I. Rey Blanco (Alvarellos Editora)

– Obra teatral, de Manuel María (Casa-Museo Manuel María)

Libro mellor editado

– Galicia mártir, de Castelao (Editorial Galaxia)

– Man de Camelle, de Carmen Hermo (Kalandraka Editora)

– O puño e a letra, de Yolanda Castaño (Edicións Xerais de Galicia)

– Poesía mínima/Minimal Poetry, de Helena Villar Janeiro (Alvarellos Editora)

– Seis Poemas Galegos, de Federico García Lorca (Alvarellos Editora)

PREMIOS ÁS TRAXECTORIAS

Iniciativa cultural ou fomento da lectura

– Asesoría de Bibliotecas Escolares

– Chan da Pólvora (libraría e editora)

– Kalandraka TV

– Libraría BD (Vigo)

– Libraría Cartabón (Vigo)

– Salón do Libro de Pontevedra

Proxecto literario na rede

– BiosBardia, dirixida por César Lorenzo Gil

– Brétemas, de Manuel Bragado

– Galicia Encantada. Enciclopedia de fantasía popular de Galicia, dirixida por Antonio Reigosa

– Kalandraka TV

– ogalego.eu, por Anxo González Guerra e Vitoria Ogando Valcárcel

Xornalismo cultural

– Daniel Salgado

– Montse Dopico

– Ramón Nicolás

– Revista Luzes

– Táboa redonda (Diario de Pontevedra e El Progreso)

 

A actualidade da Gala poderá seguirse en:

Twitter: https://twitter.com/PremGalaLibro / @PremGalaLibro

(#GalaLibroGalego2019)

Youtube

Máis información:696 581 971 ou prensa@aelg.org