Culturgal 2018  abre as convocatorias de contratación de stands e de presentación de propostas de actividades para a programación. Na rolda de prensa de presentación do Culturgal 2018, celebrada o luns 9 de xullo, na Casa da Luz de Pontevedra, adiantáronse as liñas de traballo e espectáculos especiais para esta edición que se vai celebrar os días 30 de novembro e 1 e 2 de decembro, no Pazo da Cultura de Pontevedra.

“Ti levás o compás” é o lema  deste ano, baixo o que se pretende outorgar protagonismo ao público, a razón do éxito da Culturgal ao longo do tempo. O Culturgal ten como obxectivo, no percorrido polos stands e pola programación, ofrecer o mellor da cultura galega.

 

Contratación de stands:  a organización establece descontos por ser asociado Culturgal, pola fidelidade e por reservar antes do remate de agosto.

Convocatoria de programación: o prazo para a presentación de propostas de actividades comeza o día 9 de xulllo e pecha o 1 de outubro: http://culturgal.com/propostas-programacion-culturgal-2018/

Imaxe: Pepe Barro

Máis información