A Asociación Galega de Editoras ofrece, coa colaboración de CEDRO, un Curso gratuíto de Introdución ao márketing dixital para editoriais asociadas á AGE, impartido pola docente Eva Güell, especializada no ámbito do márketing e a transformación dixital, con ampla experiencia no sector editorial e docente do Máster de Edición da Pompeu Fabra de Barcelona.

Obxectivos: O curso ofrece os elementos básicos para:

• Adquirir unha visión global da contorna dixital e definir que precisamos para posicionar nel a nosa editorial e os libros que se publican.
• Entender a estrutura do modelo de márketing dixital, as técnicas que permitirán integralo no plan de márketing anual, e como medir a consecución dos obxectivos marcados.

Duración: 6 horas

Días: 9, 10 e 11 de novembro

Horario: de 17:00h a 19:00h

Plataforma: aula virtual da docente

Contido das sesións:

1ª sesión: O modelo de márketing dixital no sector editorial

• A contorna dixital no sector editorial: entender as circunstancias específicas de márketing e negocio no noso sector.
• O modelo de márketing dixital: o Funnel ou funil de conversión: conceptos claves de cada unha das fases.

2ª sesión: Optimizar os activos dixitais dunha editorial. Buscadores e contidos.

• Activos dixitais dunha editorial.
• Posicionarnos en Google: SEO e SEM
• Estratexia de contidos

3º sesión: A interacción coa audiencia. Xestionar BBDD. O plan de márketing 360º.

• Redes sociais: claves para definir a nosa presenza
• Correo márketing
• O plan de márketing editorial 360º

 

Máis información e inscricións: s.tecnica@editorasgalegas.gal